პროკრედიტ ბანკში გემოვნებიან მუსიკას აფასებენ

ჩვეულებრივი სიტუაციაა, როდესაც რომელიმე ორგანიზაცია თანამშრომლებისთვის ან კლიენტებისთვის წვეულებას მართავს. როგორც წესი, ამ დროს ყველაფერი სტანდარტულად იგეგმება - "ფურშეტი", პროექცია, სიტყვით გამოსვლა, ცოცხალი მუსიკა და ა.შ. სტუმარიც თითქმის ყოველთვის მიჩვეულია, რომ მას საღამოზე რაღაც რადიკალურად განსხვავებული და არასტანდარტული არაფერი დახვდება. ცოცხალ მუსიკას, უმეტესად, მცირე შემადგენლობის ჯაზ ბენდი ან დუეტი წარმოადგენს, რომლებიც ჯაზ სტანდარტებსა და პოპულარულ მელოდიებს უკრავენ და წვეულების სივრცეს ნეიტრალური ფონით ავსებენ. ამ დროს მუსიკა, როგორც წესი, მეორე პლანზე ინაცვლებს და მუსიკოსებიც ყოველგვარი დაძაბვის გარეშე, უემოციო სახეებით ასრულებენ დაკვეთას. იშვიათად, თუმცა არის შემთხვევები, როდესაც წვეულება უფრო საინტერესო ფორმით ტარდება. მაგალითად, 29 სექტემბერს, პროკრედიტ ბანკის მიერ სასტუმრო "რადისონში" დაგეგმილ ღონისძიებაზე მოსული სტუმრების ყურადღება სრულიად განსხვავებულმა და მსგავსი მიღებებისთვის არატრადიციულმა ჰანგებმა მიიპყრო. ამ დღეს მათთვის "სტუმარი" უკრავდა.

ანსამბლის მოწვევა პროკრედიტ ბანკის საზოგადოებასთან ურთიერთობის მენეჯერის - თიკო ნადირაძის იდეა იყო. სპეციალურად წვეულებისთვის "სტუმარმა" რამდენიმე კომპოზიცია საგანგებოდ დაამუშავა და მას არანჟირებაც გაუკეთა.

მისასალმებელია ფაქტი, რომ ამგვარ ღონისძიებაზე არჩევანი სწორედ ორიგინალურ და არასტანდარტულ მუსიკაზე შეჩერდა. ეს დამკვეთის დახვეწილ გემოვნებასა და ორიგინალურობაზე მეტყველებს.

საღამომ შესანიშნავად ჩაიარა! "სტუმარს" ხელს უწყობდა სასტუმრო "რადისონის" მისაღები დარბაზის მშვენიერი აკუსტიკა, რომელიც ანსამბლის კუთვნილი აპარატურის ჟღერადობასთან სრულ ჰარმონიაში იყო.

მადლობას ვუხდით ლაშა გაბუნიას მოწოდებული ფოტოებისთვის

კიკეთელი თაგვების ზამთრის სერენადა

ყოველთვის მეგონა, რომ ზამთარში კიკეთელ თაგვებს ძალიან სციოდათ და იმისათვის, რომ გამთბარიყვნენ, მხოლოდ დაჭერობანას თამაშობდნენ. თუმცა, აღმოჩნდა, რომ მთლად მასეც არ ყოფილა საქმე...

თაგვებს მხიარულად გატარებული ზაფხულის შემდეგ, უმოქმედოდ დარჩენილი სათამაშო გუსლისათვის მიუგნიათ და ლამაზი მელოდიაც აუმღერებიათ.

მხოლოდ ყურის დაგდება აღმოჩდა საჭირო... იქ ისმოდა, სარკმლიდან რომ მზე ეცემა...

როგორ არ უნდა მოგინდეს ადამიანს ასეთ მუსიკოსებთან ზამთრის გატარება?!

"სტუმარმა" ეს მელოდია დაიმახსოვრა და ჩაწერა, რომ თქვენ მოგასმენინოთ.

კიკეთელი_თაგვების_სერენადა by Datiko

ახალი ინსტრუმენტი, ახალი შთაგონების წყარო...

"სტუმრის" მეგობრებისთვის არ არის უცნობი რაფაელ კროჰასის სახელი და გვარი. ეს ის ადამიანია, ვინც სრულიად შემთხვევით შეარქვა სახელი ჩვენს ანსამბლს - "სტუმარი" .

ის ფრანგული წარმოშობის შვეიცარიელია. მშვენივრად ფლობს სხვადასხვა სახის მუსიკალურ ინსტრუმენტს, რასაც პროფესიონალური ხმის რეჟისორის განათლებაც ემატება.

ის მცირე ხნით უკრავდა კიდეც ანსამბლში ხან უდუზე და ხანაც ჩინურ ფლეიტაზე... ეს ორივე ინსტრუმენტი რაფაელმა "სტუმარს" უსახსოვრა. ინსტრუმენტების გაცვლაგამოცვლა ამით არ დასრულებულა: რაფაელმა შვეიცარიაში ჯერ ფანდური, შემდეგ კი დოლი და დაირაც წაიღო.

როგორც ყოველთვის, რაფაელს წელსაც ჰქონდა დაგეგმილი ვიზიტი თბილისში. წამოსვლის წინ დარეკა და მახარა რაღაც სიურპრიზი მომაქვს და წინასწარ არ გეტყვიო... ცხადია, უკვე ვიცოდი, რომ რაღაც ინსტრუმენტი უნდა ყოფილიყო. აეროპორტიდან მგზავრობისას პატარა ყუთი ამოაძვრინა და გახსნას შეუდგა. მე შევაჩერე - მოდი გამოვიცნობ მეთქი... ოღონდ ვთხოვე რაიმე მინიშნება მოეცა. გამოვარკვიე რომ აფრიკული იყო... ამის შემდგომ ბევრი არ მიფიქრია, ყუთის ზომებიდან გამომდინაზე დავასკვენი, რომ კალიმბა უნდა ყოფილიყო. ჩემი ვარაუდი გამართლდა!

კალიმბა მცირე ზომის გამოსაკვრელი ინსტრუმენტია, რომელიც ხის კორპუსისა და ლითონის ღერებისგან მზადდება. აფრიკელები ათასნაირი ზომისა და ფორმისას აკეთებენ. რაფაელის ნაჩუქარი ინსტრუმენტი საკმაოდ დახვეწილი და პროფესიონალური აღმოჩნდა.

ბევრი დრო არ დაგვიკარგავს, მალევე გაიჟღერა ახალმა მელოდიამ და "სტუმრის" რეპერტუარს ახალი კომპოზიციაც შეემატა. არანჟირება რაფაელთან ერთად გაკეთდა, უდუს პარტია კი თავად შეასრულა.

თამამად შეიძლება ითქვას, რომ კალიმბამ უკვე დაიმკვიდრა ადგილი "სტუმრის" ინსტრუმენტების არსენალში და დიდი იმედი მაქვს რომ კიდევ არაერთი საინტერესო მელოდია შესრულდება მასზე.

ეს კი კალიმბაზე შესრულებული ახალი კომპოზიცა "ჩელა" გახლავთ:

Chela by Datiko

კონცერტი "მაგთი" კლუბში

... და რა იყო ეს დღე, თუ არა უსაზღვრო სიყვარული ბგერებისა და მეგობრების?!
... უკრავდნენ თავისთვის და ერთად მეგობრებისთვის, რათა გაენაწილებინათ თავიანთი აზრები, ემოციები, სურვილები.

მსმენელი იზიარებს მათ და ხდებიან ერთი სივრცე ...

ნომრები კი სხვადასხვა ემოციებისა და ნახატების მოზაიკას წარმოადგენს, სადაც ღია, პასტელური ფერები ჭარბობს.


თუმცა მტერსაც "მასპინძლობენ" "ხორუმით"
2010 წლის 27 ივნისი. მაგთი კლუბში გატარებული საღამო წარუშლელი რჩება როგორც მსმენელთა, ისე შემსრულებელთა გულებში.

ყველანი სახლებისაკენ წავიდნენ კონცერტის შემდეგ, მომავალი შეხვედრის სურვილით.



მადლობას ვუხდით ელენა მეჩითოვას მოწოდებული ფოტოებისთვის

"სტუმარი" და გუგული მატარებელი

Hope Box - ასე ეწოდებოდა ჰოლანდიურ ორგანიზაციას, რომელმაც გადაწყვიტა დევნილი ბავშვებისათვის ერთი ლამაზი დღე ეჩუქებინა. მათ მხარში საქართველოს რკინიგზა ამოუდგა და 3 ივნისს ყველა ერთად ბორჯომიდან მიმავალ გუგული მატარებელს დაემგზავრა. მატარებლის მგზავრები იყვნენ ბავშვები, ჟურნალისტები, საქართველოს პირველი ლედი, რადიო "მუზას" კოლექტივი და ჯგუფი "სტუმარი"...

ჩვენ ყველას კარგად გვახსოვს ჩვენი ბავშვობის "კუკუშკა", რომელიც დათოვლილი ბაკურიანისაკენ მიიკვლევდა გზას, თუმცა, ამჯერად მისი ცნობა ცოტათი გაგიჭირდებოდათ: აქციის ორგანიზატორებს ის ნაირფერად მოეხატათ და ისედაც მხიარული მატარებელი მთლად გასართობ ატრაქციონად გადაექციათ.

სტუმარმა მეტად გაახალისა ბავშვები, როდესაც მათთვის ჯერ "ტოროლა და ოლოლი", შემდეგ კი "წიქარა და ნიკორა" შეასრულა. ისინი მხიარულად ყვებოდნენ მუსიკისა და მოქანავე გუგული მატარებლის რიტმს :) ულამაზესი ბუნების ფონზე გაიჟღერა "ჩანახატმაც"...
"სტუმარის" ხალისიანი მუსიკა ჰარმონიულად ეხამებოდა ბავშვების ჟივილ-ხივილსა და გუგული მატარებლის არითმიულ კაკუნს.






დიდი მადლობა ჩვენს მეგობარს ლაშა გაბუნიას მოწოდებული ფოტოებისთვის.
ჯგუფი "სტუმარი" ასევე დიდ მადლობას უხდის აქციის ორგანიზატორს რიენკე ენგჰარდტს მოწვევისთვის.

David Khositashvili

David Khositashvili - Guitar
Born in 8 November of 1976.
1983-93 Studied at the Music school (guitar class) tutor - Alexander Galustov.
Often performed on stages since he was 7.
1993-94 worked as a teacher at the Palace of Youth.
1994-98 worked as a musician in Turkey.
1997 Joined the band "Royal Way"
1998 Joined the band "Moon's Club". Participated in recording of one album of the band.
1999-2004 Played in the group "Shuki Movida". Participated in recording of two album of the band.
In 2002 founded the band "Stumari" with Nino Janjgava and Marina Janjgava. The band released two albums - "Rope Bridge"(2004) and "Dila"(2010)
2004-2009 Member of the band "Zumba Land". Participated in recording of one album of the band - "Adila"
2004 Released music score "Three pieces for classical guitar".

Tamar Mirianashvili

Tamar Mirianashvili - Double-bass
Born in 6th August of 1981 in Tbilisi.
In 1989 entered Z. Paliashvili central music school - double-bass class - tutor Suliko Mirianashvili and graduated in 1999.
In 1999 entered V. Sarajishvili state Conservatoire - tutor - Vladimer Gogoberidze.
Since 2000 is playing in Z. Paliashvili opera and ballet theater orchestra.
At the same time she was performing with different musical ensembles and orchestras.
Since 2002 is playing in Jansug Kakhidze Tbilisi symphonic orchestra.
Playing with "Stumari" band since 2009.